5 ຊ່ອງ YouTube ຕ່າງປະເທດທີ່ນັກສະຖາປະນິກ ແລະ ຕົກແຕ່ງພາຍໃນຄວນກົດຕິດຕາມ.

         ໃນສະຖານະການໂຄວິດເຊັ່ນນີ້ ເຊື່ອວ່າທຸກຄົນຄົງຢູ່ເຮືອນ ຮຽນອອນໄລ ຫຼື ເຮັດວຽກຢູ່ເຮືອນ ແລະ ອາດໄດ້ໃຊ້ເວລາວ່າງຈະການຮຽນອອນໄລ, ການເຮັດວຽກມາເບິ່ງ  YouTube ແກ້ເບື່ອກັນຢູ່ແລ້ວ.

         ສະນັ້ນ ທາງເພຈພວກເຮົາຈຶ່ງໄດ້ສັນຫາຊ່ອງ YouTube ຕ່າງປະເທດທີ່ໃຫ້ຄວາມຮູ້ດ້ານສະຖາປັດຕະຍະກຳ ແລະ ການອອກແບບ ມານຳເໜີໃຊ້ນ້ອງໆໄດ້ເຂົ້າໄປຫາຄວາມຮູ້ເພີ່ມເຕີມເພື່ອເສີມທັດສະດ້ານການອອກແບບ ແລະ ຍັງໄດ້ຝຶກຄຳສັບພາສາອັງກິດທີ່ກ່ຽວຂ້ອງກັບດ້ານສະຖາປັດຕະຍະກຳເອົາໄວ້ໃຊ້ໃນການຮຽນ ຫຼື ການເຮັດວຽກອີກດ້ວຍ.

1. Architectural Digest

         ເປັນຊ່ອງທີ່ພາທຸກຄົນໄປທ່ຽວຊົມເຮືອນຂອງຄົນດັງລະດັບ Hollywood ເພື່ອເຮັດໃຫ້ເຮົາໄດ້ເຫັນມຸມມອງການຕົກແຕ່ງເຮືອນຂອງຄົນດັງບໍ່ວ່າຈະເປັນການຕົກແຕ່ງພາຍນອກອາຄານ ຫຼື ພາຍໃນອາຄານ.

ຮັບຊົມຄຣິບທີ່ນີ້

2. ArchDaily

         ເປັນຊ່ອງທີ່ລວບລວມເອົາບົດສຳພາດຂອງສະຖາປະນິກລະດັບໂລກ ແລະ ລາຍງານກ່ຽວກັບບັນດາໂຄງການກໍ່ສ້າງສຳຄັນທົ່ວໂລກ.

ຮັບຊົມຄຣິບທີ່ນີ້

3. Themodmin

         ເປັນຊ່ອງທີ່ເໝາະສຳລັບການພັດທະນາທັດສະໃນການແຕ້ມແບບດ້ວຍມື ໂດຍມີເທັດນິດຕ່າງໆມາໃຫ້ເຮົາໄດ້ຮຽນຮູ້ບໍ່ວ່າຈະເປັນເທັດນິກການລົງນໍ້າໜັກເສັ້ນ, ການແຕ້ມແບບໃຫ້ມີມິຕິ, ການລົງແສງເງົາ, ການແຕ້ມຄົນ, ຕົ້ນໄມ້ ແລະ ການລະບາຍສີໃສ່ລາຍລະອຽດຕ່າງໆ.

ຮັບຊົມຄຣິບທີ່ນີ້

4. The Local Project

         ເປັນຊ່ອງທີ່ນຳສະເໜີການອອກແບບຂອງນັກສະຖາປະນິກໜ້າໃໝ່ໄປຈົນຮອດບໍລິສັດອອກແບບຂະໜາດໃຫຍ່ ໂດຍແນ້ນການເອົາຜູ້ຢູ່ອາໄສມາເປັນຈຸດສຸມໃນການອອກແບບ.

ຮັບຊົມຄຣິບທີ່ນີ້

5. Photoshop.Architect

         ປິດທ້າຍດ້ວຍ ຊ່ອງທີ່ໃຫ້ຄວາມຮູ້ເທັດນິດການແລນເດີຮູບ, ການຕົກແຕ່ງອາຄານ, ແຜນຜັງ, ການລົງເງົາ, ການຈັດແສງກາງເວັນ ກາງຄືນ ໂດຍໃຊ້ Adobe photoshop. 

ຮັບຊົມຄຣິບທີ່ນີ້

            ນອກຈາກ ບັນດາຊ່ອງ Youtube ທີ່ແນະນຳມາດ້ານເທິງນີ້ແລ້ວຍັງມີອີກຫຼາຍຊ່ອງດີດີ ສະນັ້ນ ໄວ້ໂອກາດໜ້າເຮົາຈະມານຳສະເໜີລາຍການ ຫຼື ຊ່ອງ Youtube ດີດີແບບນີ້ໃຫ້ອີກ ໂປຣດຕິດຕາມຕອນຕໍ່ໄປ.